الموضوع: ((( شــــــــــمــــــر )))

[GASIDA="type=1 bkcolor=#CCFF00 width="100%" border="8px double #FF0000" font="bold large Arial" bkimage="""]
بعيونهم صرنا ضعوف ومساكين = وبعيوننا صرنا عليهم نشامه
بكفوفهم شالو علينا الســــــكاكين = وبكفوفنا يمكن تصيح القيامه
هم يحسبون الدرب حسبت ملايين = وحنا حسبنا الدرب تاليه خامه
لاياسديم الوقت وش قصت الطين = وش سرك اللي لاقيته النعامه
وان كان ماني من سعوط المجانين = عطيني البرقع ودوك العمامه
حنا ولامن قلت حنا تعرفين = يابنت يم الفخفخه والفخامه
صياح شمر يوم صيح بنقبين = اهتزت غصون النفل بالثمامه
واهتزت بيوت الحرم بالحجازين = وردت علا صوت الصياح المنامه
ردت نهارن ماعرف خط برلين = ولا عرف هيفاء وراغب علامه
ردت (طنا) يامغمجه عام اللفين = ردت (طنا) يامدعين الفهامه
ردت (طنا) وانشد نهار ونهارين = ونهار ثالث يوم طوح لثامه
العز الاقعس لابتي توفي الدين = بالسيف لاارخت للمظمر لجامه
الشمري يالهين اللي تبي اللين = يضرب علا الكايد بدرب الندامه
عذروبهم للضيف سبلا كريمين =لاوالله الاعقربين تهامه
وعذروبهم دايم علا العهد وافين = ودخيلهم لو هو بوسط اوكلوهامه
محفول مكفولن ولا يشكي البين = حتى لو ان الكنقرس حث اوبامه
وقال الدخيل يصير ضمن المساجين = يطلع ولو حطوه بقونتنامه
عذروبهم ماعندهم قول بعدين = حاظر بحاظر غردي ياحمامه
محلا عذاريب المطنخ ويازين = هاك الحجاج وضحكته وابتسامه
ان قلت شمر قالت الارض اهلين = باللي بهم طهر الصيام وقيامه
وان قلت شمر اذنت ساحت الدين = شمر لهم في صابر الدين شامه
وان قلت شمر احجموا واسكتوا لين = نذ ب روسن ودها بالحجامه
(بالشين) شخنا يوم دوس السلاطين = (وبالميم) مامرت عليهم سلامه
(وبالراء) روينا كفنا بالدمامين = كم شيخ قومن ماتشيله عظامه
شمر ولابه غير شمر عناوين = الله خلقها للوادم كرامه
شمر مدار الكون من غير تكوين = شمر مثل شمسن تجلى غمامه
شمر (طنا)(سنعوس)(غلبا)وللحين = (ضيغم) خوالي يانهار الجهامه
شمر وشمر واكتبي يالدواوين = شرقه وغربه مع شماله ليامه
تشهد بفعل مرضخين الشياطين = اللي لهم بالمجد قمة زمامه
وانا لياعدت فعول السلامين = قلت اركعي يارض الفلس لليتامه
بصدورنا تصهل خيول وميادين = وبكفونا ليلن تقشع ظلامه
نسري وعندي للفعول البراهين = لاقللت بعض البشر بحترامه
ياكثر ماقالو نجوسن ملاعين = وياكم راسن طار سبت كلامه
يابنت يلي في كلامك تذمين = ماللقمامه غير سطل القمامه
ان كان خطيتي بشمر بويتين = لاانتي ولا الجاحظ ولاابو دلا مه
روحي عمى دينن وروحي عمى عين = ماللزعامه غير شمر زعامه
لايابعد من عشعشو داخل العين = لاياخلف من عاش مرفوع هامه
لايهمكم دربن بحسبت ملايين = انتم حسبتوا الدرب تاليه خامه
وكفوفهم كانه تسن السكاكين =بكفوفكم يمكن تصيح القيامه
[/GASIDA]

سنجار أقف لك إحتراماً وتقديراً

قصيدة شامخه يسلم راسك

صح لسانك ,,, وبيض الله وجهك

تحياتي وإحترامي لك

صح لسانك ياسنجار

قصيدة جزلة

من شاعر جزل

ماشاء الله عليك ياسنجار

قصيدة رائعة من شاعر أروع

صح لسانك وعلا شانك

وانا لياعدت فعول السلامين
قلت اركعي يارض الفلس لليتامه

لله درك شاعرنا سنجار ..

والله قصيده تقشعر لها الابدان ..

والله ترفعك عن مكانك من الفخر والعز ..

الله يعزك يارجل ..

المشاركة الأصلية كتبت بواسطة المتعب

سنجار أقف لك إحتراماً وتقديراً

قصيدة شامخه يسلم راسك

صح لسانك ,,, وبيض الله وجهك

تحياتي وإحترامي لك

وانا اقف لك امتنانن علا مرورك العطر وبيض الله وجهك يابو متعب

المشاركة الأصلية كتبت بواسطة العطيب

صح لسانك ياسنجار

قصيدة جزلة

من شاعر جزل

صح بدنك وبيض الله وجهك واشكر لك مرورك يالغالي

المشاركة الأصلية كتبت بواسطة سلماني الجوف

ماشاء الله عليك ياسنجار

قصيدة رائعة من شاعر أروع

صح لسانك وعلا شانك

صح بدنك واعتلاء شانك والروعه في مرورك العطر