الموضوع: ابن رخيص الشيخ زيزوم نبهان

ابن رخيص الشيخ زيزوم نبهان

قال الذي يـنـظـم من الشـعـر قـيـفـان ** أبــيات يـكـتــبها من أقــصى ضميـره
مــوزونـة منـي جـزيــلات و سمــان ** نبـــع القريــحـة صافـيٍ من غـديــره
في مـدح شيـخٍ للـوفاء صار عنـوان ** من روس قــومٍ بالمـعـارك ضريــره
ابن رخيص الشيــخ زيـزوم نبـهـان ** فـتـَـاح بـيـتـه للضيــاغــم ، وغــيـره
شيـخٍ قـديـم من مــواريث شجــعــان ** زبــن الأميــر اللي مشـى للجــزيــرة
يشـهـــد له التـاريـــخ في كل مـيـدان ** وتــشـهـد له الأجــواد في كل ديــره
والضيغمي يشهـد لهم عبــر الازمـان ** يومٍ نخـى بالصــوت منهــو يجــيـره
أقبـل وجــاهم وأنـتحــى يـم جـربـان ** وبأسباب أخوميــثا وصل في مسيره
من دور راع الفعل ، مبطي لهم شـان ** عطــاء نطيح الـشيـخ جد العـشيرة
عطاء رخيص الشي كان الردي خان ** يكـرم ضيـوفـه من حـلالــه و ميـره
وسالم شهير الفـعل والضلع بـرهــان ** رد العـدو بالسـيـف وأوقــد سعـيــرة
هو راعـي الخبـزة عمـى كل طمـعان ** فك الغـرايــس من خصــومٍ كـثـيـرة
شتت جمـوع الضد ،، والضد بلشـان ** أقـفى معيفٍ ،، ما خـذا لو شعـيـره
أقفى معيـفٍ يرتجـي عفـوٍ وإحسـان ** والسيــف ما يحـفـظ بلـيـا جـفـيــره
و رشيد قاسي عند روغات الأذهان ** غلغـول جـابه عقب صبحـا و ضيره
غلغول جابه بالقـنا ، جهر و إعلان ** لو حرفـوهـا ، أهل النفـوس الحقيره
لو حرفــوهـا يظهـر العـلم و يـبـان ** ولاني بـحـال أهل الوجـيه الشـريــره
وفارس حكيم الرأي والقـول وكـدان ** و بنية المـشهـور شيخــه وأمـيــره
وعياده المسطور والـضرس حمدان ** أهــل الفـعــايل و الفـعــايل جـديــره
ومن بعــدهـا فـهـاد ، نجـمـه لنـا بان ** حيــد ٍ مـنـيــعٍ باللــوازم ذخـيــره
وصالح زعيم الجيش وجموع برزان ** صالح جليس الشيخ صالح شويره
و أبو ردن كـساب زيـنـات الأرسـان ** نطاح خصمه بالـسيوف الشطـيـره
يقلط على القـالات والضـد خســران ** مثل الأسد يرعـب خصيمه زويــره
يوم الوغى يهـدي حيـاته بلا أثمــان ** عيـنه تـنام وعيـن خصـمه سهـيـره
و قاسم شـديد الباس هوطير حوران ** كم ســربةٍ بـأسبــاب قــاسم كسيـرة
ليــا سكـب بالجـو عـــجٍ و دخـــان ** كفـه تـطـول وكـف خـصمـه قـصيـره
ورايـس وطايس بالميادين شجعان ** وجلبــاخ شيــخٍ له بالأمجـاد سيــره
و سطم عشير الضيف لاجاه جيعان ** يضحـك حجـاجه ما يعـقـد نـظـيــره
و مجول نهــار الكون للضد ضرمان ** فعـلـه بـوقـت الـلازمـــة والعـسيره
و أبو صحن يذريك لا صرت زملان ** ليا سمعت الصوت ،، واقبـل نـذيره
و هايس زبون الحرب تتليه عربان ** وقــت الـلزم تـتـليـه كـل العــشيـره
راع الكرم يا ما سقـى كل ضميان ** أبـو اليـتــامى ، والبيـوت الفـقـيـره
واذكر أبو ممدوح من قلب و لسان ** شـيـخٍ علـومــه عنـد شمـر سفـيـره
حـمـود شـيـخ القـوم بالعـسر مزبان ** جاب الشمال ، وإنـتـخــابه قصيره
و فارس رواق البيت للبيت عمـدان ** أبو عيــاده ،، مثل شمـس الظهـيره
أبو عيــاده للعــرب عـــز و كــنـان ** هـو الــذي تـبـدى عليه الســريــره
و أبو فهد طيرالسعـد نسل حمدان ** قـيـرط عـديـمٍ ، يعجـبـك في مِطـيره
له مجلسٍ معـروف للضيف مسكان ** والعـبــد واقـف بالمـهـيــل يــديــره
فـعلـه تبـيـن عنــد حضــرٍ و بـدوان ** شـروااااه حـراً ما يهـاب الخطـيـرة
هذي فعـايـل ربعــنا رووس نبهان ** والفرق واضح بين فضـه و نـيــره
أخوان ميثا ، هم مقـاديـم الأكــوان ** أهل الفـعـــول البـيــنـات الـكبـيــرة
قولـي ثبــاتٍ مادخـل فـيه بهـتـــان ** ولاهـمـني أهـل النـفـوس العـثـيـره
ماهـمـنـي راع النمــايــم و كوبــان ** شــرواااه عفــنٍ عايــشٍ بالبـريــره
وآخر كلامي اطلـب الرب غــفـران ** رب كـريــــمٍ ما تـرجـيــــت غـيــره

و سلامتكم

والله والف نعم بابن رخيص والنبهان جميعاً

وصح لسان الشاعر

والف شكر لك يالنبهاني على ايراد القصيدة الشاهدة على فعولهم

ماعليك زود ياابن العم ،،

وعسى عمرك طويل ... لاهنت .

صح الله لسان قائل القصيدة
والله وألف نعم بك وبربعك أخوي النبهاني

والله والف نعم بابن رخيص والنبهان جميعاً

وصح لسان الشاعر

والف شكر لك يالنبهاني على ايراد القصيدة الشاهدة على فعولهم
</b></i>

خالد السلماني ،، صح بدنـك ،، وماعليك زود .

............

راكان ، كل الشكر لك ،،، الله لا يهينك .

والله والف نعم بابن رخيص والنبهان جميعاً

وصح لسان الشاعر

والف شكر لك يالنبهاني على ايراد القصيدة الشاهدة على فعولهم
</b></i>

القناص ،، عافاك الله وماعليك زود .