الموضوع: المعانات

بسم الله الرحمن الرحيم


بسم الله المعبود منشي المراهيـش****مــروي يـبـاس القاع مـن نـو طــشــه
الـمعتلي رزاق عــمي الــبواهــيـــش ****بـمـره ضـعـيـفـات البـواهـش تـعشه
من بعدها جبت القلم وأبيض الريــش ****وابـديـت مـاكـنه ضـمـيـري وخـشــــه
ياراكـب اللي مـاركـبـوه الـقـراريـــــش ****ولاشـال بـه خـطـو الـرعـاديـد قــشه
مـن صـنـعة الـكفـار حـمر الـطرابيــش ****الـدولـه اللي صـنـاعـتـه ماتـغـشــــه
جـمـسٍ جـديد وبـاوره مـابـعد نـيـــش ****ولاشـيـف به بـطـوارف البـدي رشـــه
اسرع من اللي بالهواء يومي الريـش****واسرع مـن اللي عالي الـغيم دشــه
ابـيـه مـع نـفـض البـلابـيل للـريـــــش ****يارفـرفــت طـيـور البـلابـل بـعـشــــــه
يانام ولــد الاش والـعـفـن والـديــــش ****الـشلـه اللي بـالـحـواري تــمـــشـه
عـلـيـه قـرمـاً ضـــارياً للـمـطاريــــــش ****يـعـرف فـجـوج الـقـاع صـلبه وهشــه
يـحـط نـجـم الجدي بين المراميــــش****يـابـان والنـجـوم السـواري تـلــشــــه
لشيخاً كريم وحوش الطيب تحويــش ****هـداج لامـن الــمـــواريــــد نـــشــــه
الشيخ ابو فيصل زبون المعاطيــــــش ****ياكــشــرة ســـود اللــيالي وكـشـــه
ياعـل يـفـدونـه كـبـار الأكــاريـــــــــش ****سـود الـقـلـوب اللي مليه بـغـشــــه
سود القلوب اللي تشاد الحنافـيــش****تـفـخـر ليـا مـنه بـلـيلـه تــعــــشــــــه
ليت العذاراء لابســات المـغاويـــــــش ****عـن مـثـلهـم بشـيالـهـن مـاتـغـشـه
يامـير انا فـكـري غـداء فـيـه تشويـش ****قامت هواجيس الضـحى تستلـشـه
ورداً خفوق القلب ورد المـعاطيـــــش ****هــواجــسٍ يـامـيـر بـالـقـلـب خـشـه
لوقلت راحن عوداً لــي مـحاويـــــــش ****يــما عـروق الـقـلـب جـفـه ونـشــــه
مــراً تـوديـني لـبحـــر الأقـــاريــــــــش ****ومـراً تـــوديــنـي لــقــاعـاً مـنـشـــه
ومـراً تـودينـي لجـو الحـواشـــيــــــش ****كـني سفيهن شارب الكيف غشـه
الراس شـاب وشـيـبن المـراميــــــش ****وكـل مـاجـرى لي قلت ياقلب مشـه
واشكي عليك ياريف زبن المعاطيـش****يامـزبـن الـمـضيـوم ياطـب غــــشـــه
من هاجسـاً بالقلب حـط القراميـــش****نـوخ ركـابـه وحــط بالقـلـب قـشــــــه
يومي بي مثل أوماية الطير بالريـــش ****اللـي فـروخـــه جـايـعـاتٍ بـعـشــــــه
يابن العشاء في ليلةً يعوي الهيــــش****بنسـريتـاً يـوم ادمـس الليـل عشـــه
صفقة هبوبه مثل سـم النواهيـــــش****يجـمد بعـرض الـجو من البرد طشـــه
وصلوا على خير الملا صفوة اقريــــش ****شــفيـع الأمـه بـما قـفاً مسـتـهشه
حفاتاً عـراتً بمـا قـفاً بـه مـبالـيـــــش**** مـنها العـقـول الصـاحيـه اسـتـكشـه


قصيدة للشاعر/خليف بن عواد الثنيان...يشكو بها إلى الشيخ/فهد بن عبيد بن ثنيان

صح لسانك

يالشاعر