الموضوع: شعراء قبيلة السلمان

[frame="3 80"]

السلام عليكم ورحمة الله وبركاته



اهتمت جميع القبائل ومنذ زمن بعيد بالجانب الشعري وتفتخركل الأمة بشعرائها وكذلك القبائل , وأصبح الشعر يسطر مفاخر القبائل وهو شاهد للقصص والأحداث الجارية , والشعر الذي لايكون فيه إسائة أو جرح لمشاعر الآخرين يكون له رغبة بالإستماع إليه ....
وتتميز قبيلة السلمان بوجود شعراء مميزون ولله الحمد , وهناك شعراء من القبية يعدون من فحول الشعراء لقبيلة شمّر عامة , مثل :

الشاعر : عايد بن فهد السلماني.
الشاعر: راضي بن فهد السلماني.
الشاعر: عيادة بن فرحان السلماني.
الشاعر: زامل داخل محمدالسلماني
الشاعر: حمدان بن محمد السلماني.
الشاعر: حمود بن محمد السلماني.

وغيرهم من شعراء القبيلة...

ومن نماذج شعرهم قصيدة للشاعر عايد بن فهد السلماني :

[poem font="MS Dialog,5,#000000,bold,normal" bkcolor="" bkimage="backgrounds/27.gif" border="inset,2,#ffffff" type=0 line=0 align=center use=ex num="0,"]
قال الأديب أبيات من غاية الجاش=من مصدرٍ كله ينابيع وبهـــــــوش
من فيض قرح مفرد ماهو غشاش=والشاعر اللي يسرق الناس ماهوش
خذيت للدنيا تصـاوير بـفـــلاش=وسجلت قيلي بازرق الطرس منقوش
لو الزعامة لبس جزمات وقمــاش=كلٍ شراء من غالي السوق بقـروش
المدح ما يأتي على هون ببــــلاش=يبي مثل درزي يحوش الثناء حوش
هو الزعيم اللي رعاياه ما تـنـــاش=حلاّل قالاتٍ لها سر ودخــــــــــوش
مظهر محابيسٍ وراء قفل الأحواش=معتق رقبة اللي من الذبح مربـــوش
سهل النبأ سمحٍ قباله وبشــــــــــّاش=والصلح يبعث له مداوير وطــروش
يدوم ابو عارف وقولوا معي عاش=اللي على القالات صارم وجاهــوش
زعيم قوم ماتزحزح ولا تهــــــاش=كتايبٍ كنـّه طوابير وجــــيــــــوش
جمع الهيالا يرعب القلب دهـــــــــّاش=اولاد الأزمل مايرازون بالهــــــوش
وإن صاح صيّاحٍ وراء سرح الأدباش=وسكبر عجاجه والجنب عقـّل البـوش
من صار بوجيه السلامين ماعــــاش=يا لحقوا الشمطان ومسطـّرالغـوش
أولاد ابا نجلاء بعيدين منطــــــــــاش=ياما خذوا بأكوارهن كل قنطــــــوش
يتلون بن عردان مسرى ومغـبـــــاش=كم ديـّرٍ خلو مبانيه خــــربـــــــــوش
تسمع لهم مع عودة الغزو لـــــــولاش=وبرجس ياحظ العايدة وام دعـــدوش
تقاسموا ذود المصاليح غـــــــــبــــّاش=تسمع لهم مع رمي الأسهام حشحوش
ضرماء على قسم المغاتير وعطـــّاش=حمّى الذرا يضرم لهن كل مدغـــوش
كم واحدٍ من ضربهم طاح منــــــداش=بالمعركة خلي على القاع مديـــــوش
أهل الصحون اللي تقلـّط على فــراش=ورباعهم به رومي الزل مفـــــروش
تم الكلام اللي ماهو قول هـــــــــلاش=من شاعرٍ ما دار قيله على بـــــــوش[/poem]


وهذه أبيات من قصيدة وطنية لشاعر القبيلة راضي فهد السلماني :

[poem font="MS Dialog,5,#000000,bold,normal" bkcolor="" bkimage="backgrounds/27.gif" border="inset,2,#ffffff" type=0 line=0 align=center use=ex num="0,"]
سلام ياخادم حرم بيت الإســــــــــلام=باب السلام اللي عليه السلامي
بيتٍ به الحجـّاج يدون الإحــــــــــرام=للحج والعمرة وشهر الصيامي
بالكعبة اللي شرّفه رب الأنــــــــــــام=صفاه والمروة وقرب المقامــي
سلام يا فخر العرب بألف معــــــــلام=منك العروبة له قدرٍ وإحترامـي
صقره وتخدم لك صقاقيره اخـــــــدام=شيخٍ لكل صقورها والنظامـــــي
زومان شيّال المحامل لـــــــيـــــا زام=ليا برّكن بالدرب حشو الجهامي
وانت الشجاع اللي على الكود دحـــام=بضلعٍ يقص عن الحديد اللحامـي
ألطف من الذعذاع في بعض الأيــــام=وأيام مثل الجمر يا شب حامـــي
مرٍ على كبد المعادي وخـــــــــــــزّام=وعلى صديقك برد وسلامــــــي
للصاحب أحلى من حليبٍ لــمــــرزام=بكرِ بروض خريم وقت العتامي
الصبح تسرح في سهلة العرق مجهام=والعصر تدلي في خزام الحزامي
وانت الرحوم اللي تواضع للأيتــــــام=والشايب المقعد ركيك العضامي
ماغيركم للشعب قادة وحكـــــــــــــام=ياسيّدي ياعل حكمك دوامـــــي
وإن جيت أعدّ بك الكرم فوق الأكرام=انت الذي تكرّم وجيه الكرامـــي
عسى تدوم والي العهـــــــــــد لك دام=سلطان ابو خالد ربيع اليتامــــي
يقود سرب الموت للضد هــــجـــــــّام=بموهاتٍ مثل جول الحمامــــــي[/poem]


وهذه القصيدة للشاعر حمدان محمد السلماني :

[poem font="MS Dialog,5,#000000,bold,normal" bkcolor="" bkimage="backgrounds/27.gif" border="inset,2,#ffffff" type=0 line=0 align=center use=ex num="0,"]
يالله يالعالي صدوق المخايل=يارازق المخلوق دقـّه وجلـّه
ياخالقٍ بالكون عدلٍ ومايل=انت الذي صعب البلاوي تحلـّه
يالله ياللي منك نرجي الفضايـــل=بالماقف اللي فيه عرشك وظــلّه
يالله ياشافي لحوم العلايــــــــــل=ياللي شفيت أيوب من علتـــــــله
ومن بعد ذكر الله قلت المثايــــل=ابديت وأدنيت القلم بالسجـــــــلّه
وبنشدك يالحزل وين القبايــــــل=وين النزول اللي على الدار حله
وين الحلال اللي رتع بالمسايــل=وين البيوت وين أهلها وبـــلــــه
ماعدّهم ركبوا بنات الأصايــــل=ولا كرّبوهن مثل لون الأهـــــله
ولا خيّلو برقٍ سرى له شعايــل=ولا جاء الخبر من الخباري تمله
اليوم بس البوم فوق النثايـــــــل=راحوا كما غيمٍ غشى القاع ظـله
وين الرجال اللي فعوله هوايـــل=كسـّابة الناموس ياجاء محـــــله
أهل الفعول وكاملين الخصايـــل=عز الرفيق ليا لفوا فزعتــــــــله
ربعي ثنوا من دون كيل العوايل=غازي نخاهم والمقادير حــــــله
ذباحة الشرطة وكادٍ صمايـــــل=ما أقول شي ماخبر شاهــــــدله
غازي واخو جزعة ونعد نايــل=ومشعل ومشعل والشجاعة هلله
وبن صميدع حنب الحق عايــل=اخوات شماء بيّتوه بمحـــــــــله
و يشهد لنا تاريخ حجّاج حايــل=ونعمٍ بربعي ياحصل لازمـــــله
كلام بن مارق شهود ودلايــــل=أطلع ثنى ربعي بشي حصــــله
ويشهد لنا باير وهاك الفعايــــل=الطيب يبقى والفعول بمحـــــله
ربعي سلامينٍ خذوا كل طايــل=يشهد لهم التاريخ والحـمـــد لله
وصلاة ربي عد ماقيل قايــــــل=على شفيع الخلق في ماقفــــــله[/poem]

[/frame]

وفي الختام ,, اتمنى لكم أطيب تحيه ,,,

شكراً ..

الله يعطيك العافيه اخوي حماد على هذا الموضوع المهــم



تحياتي

مشكورعلى هذا الجهد الرائع في جمع هذه القصائد ومن أفضل إلى أفضل إن شاء الله ...تحياتي

عزيزي حماد أشكر على وضع شعراء السلمان


دمت بخير

يعطيك العافيه اخوي حمـــاد

وتسلم على المجهودات الطيبه ,, ونتضر المزيد من الاخوان المشاركة بمنتدى الشعر




تحياتي لكم

المشاركة الأصلية كتبت بواسطة يوسف الفريح

شكراً ..

الله يعطيك العافيه اخوي حماد على هذا الموضوع المهــم


تحياتي

الله يعافيك يابو شروق ,, ولاهنت على تعقيبك الجميل

المشاركة الأصلية كتبت بواسطة مشعل المرزوق

مشكورعلى هذا الجهد الرائع في جمع هذه القصائد ومن أفضل إلى أفضل إن شاء الله ...تحياتي

العفو يا مشعل ,, والف شكر على هالاطراء الجميل

المشاركة الأصلية كتبت بواسطة عبدالله الفرحان

عزيزي حماد أشكر على وضع شعراء السلمان


دمت بخير

لا شكر على واجب يابو فرحان ,,

المشاركة الأصلية كتبت بواسطة < فــ ـــواز >

يعطيك العافيه اخوي حمـــاد

وتسلم على المجهودات الطيبه ,, ونتضر المزيد من الاخوان المشاركة بمنتدى الشعر




تحياتي لكم

حياك يا فواز ,, ونتمنى حقيقة أن شعرائنا يشاركوننا بجديدهم المتميز كالعاده ,,

وهذا الصرح يكون حافظاً بأذن الله لقصائدهم من الصياع أو النسيان ,,

كما انه ستكون هناك قائمة جديده بشعرائنا الشباب ... والذين لم يتم ذكرهم هنا ,,

دمتم بخير جميعاً ...

مشكور ياحماد وماقصرت



تحياتي لكـ...

ماقصرت حماد
الله يعطيك العافية على القصائد الحلوة